Home › Articles › Zarai spray ka sahi tareeqa aur zaroori ehtiyat
Zarai spray ka sahi tareeqa aur zaroori ehtiyat
Spray ki dawai sahi tareeqay se istemal ho to fasal bachti hai, galat istemal ho to sehat, fasal aur mahol ko nuqsan pahunchta hai. Ye bunyadi ehtiyaten har kisan ko yaad rakhni chahiyen.
Spray se pehle
Label zaroor parhein: dose, fasal, aur intezar ki muddat (pre-harvest interval) wahin likhi hoti hai.
Hifazati samaan pehnein: dastane, mask, aink aur poori aasteen ke kapray.
Sprayer check karein: nozzle band ya leak na ho.
Be-ijazat do dawaiyan aapas mein na milayein. Zarai officer se pooch lein.
Spray ke dauran
Subah ya shaam ke thandey waqt spray karein, tez dhoop, tez hawa ya baarish ke waqt nahi.
Hawa ke rukh ke mukhalif na chalain, taake dawai aap par na aaye.
Spray ke dauran khana, peena aur tambaku se parhez karein.